Die jaar vlieg so vinnig, voor jy jou oë uitvee is dit winter. Daar is reeds mense wat hoes, nies en snuif. Verkoue, griep, brongitis. Ruk jou lyf reg en sorg dat jy nie siek word nie.
Kry genoeg slaap
FOTO: Unsplash
Jou lyf het 2 teenstellende hormone: kortisol wat veroorsaak dat jou liggaam vet stoor, en groeihormone wat vet verbrand. Gewoonlik vervaardig jou lyf soggens die meeste kortisol en teen so nege-uur saans, wanneer jy begin vaak voel, die minste. Gaan jy nie nou bed toe nie, skei jou lyf nog kortisol af om jou wakker te hou. Slaap ook lank genoeg, sowat 7 – 9 uur, want groeihormone word dan afgeskei. As jy steeds laat bed toe gaan, neem vroegaand ’n aanvulling wat ’n ontspannende kruiemengsel soos Relora bevat.
Vermy alkohol in oormaat
FOTO: Unsplash
Dit stimuleer jou lewer om bio-chemiese stowwe af te skei, wat hartaanvalle, diabetes
en gewigstoename kan veroorsaak. Jy kan die uitwerking daarvan teëwerk deur anti-inflammatoriese kosse soos borrie en gemmer te eet, of ’n aanvulling soos melkdissel-ekstrak (milk thistle) te neem.
Laat jou hart werk
FOTO: Unslash
Doen kardiovaskulêre oefeninge sowat 45 minute lank, byna daagliks. Oefening wat jou hart vinniger laat klop, help jou gewig verloor – hoewel nie so baie soos wat
ons altyd gedink het nie. Maar jou risiko vir chroniese toestande soos hartsiektes, diabetes en selfs kanker verminder beduidend.
Los die trooskos
FOTO: Unsplasg
Kos met suiker en verfynde koolhidrate, soos brood en pasta, vergroot jou risiko vir toestande soos diabetes, hartsiektes en vetsug. Aanvullings soos Garcinia cambogia en chroom kan dalk help om jou liggaam teen die skadelike uitwerking daarvan te beskerm, maar dis steeds beter om dié trooskosse te beperk of heeltemal te vermy.
Kap stres met ’n ses
FOTO: Unsplash
Stres kan dodelik wees. Dit vermeerder hormone wat jou bloeddruk opjaag,
jou angstiger maak en selfs hartaanvalle veroorsaak. Ontwikkel gewoontes om stres te ontlaai, soos ’n rustige wandeling in die natuur of speel met jou troeteldiere. Of maak komplekse koolhidrate soos heelkorrel-hawermout deel van jou dieet vir ’n konstante
bron van die goedvoel-chemikalie serotonien. Kruie-aanvullings wat jou lyf teen stres se uitwerking kan help beskerm, is Rhodiola rosea en Ashwagandha.
Lees nou
The post Verkoue? Ruk jou lyf reg! appeared first on SARIE.