The post Dít sê jou voete oor jou gesondheid appeared first on SARIE.

Oefening is nie net vir gewig verloor nie. Ook die gesondheid van jou liggaam en kop wen al die pad. Hier’s nóg vyf redes om te oefen.

Geheue soos ’n olifant

Oefening word gekoppel aan ’n beter geheue, beter fokus en vinniger leer. Studies dui daarop dis tans nog die beste manier om Alzheimersiekte te voorkom of uit te stel. Dit bevorder bloedvloei na die brein en voed die groei van nuwe bloedvate en selfs nuwe breinselle.

Weg met depressie

Oefening kan jou laat ontspan, ja. Dit kan ook help om depressie se swart hond af te weer. Vroue wat gereeld oefen (twee uur per week se matige oefening), was 50% minder geneig om depressief te wees as hul sittende vriendinne, volgens ’n studie in die Amerikaanse joernaal Medicine & Science in Sports & Exercise.

Dig deep. #justdoit Surfers work on breath-holding exercises so they can catch the next wave – not watch it.

A post shared by nike (@nike) on Nov 7, 2014 at 3:29pm PST

Soos Duracell-hasies

Voor jy op die rusbank neersak, luister hier: Sofapokkels wat gereeld laeintensiteit- oefening begin doen het, se afgematheid het met tot 65% verminder, volgens ’n Amerikaanse studie.

Hokaai cravings!

Mense wat 15 minute lank oefen nadat hulle kopwerk gedoen het – nes ons almal daagliks op kantoor – verorber gemiddeld 400 minder kilojoules as hul sittende kollegas. Die Britse navorsers reken oefening stook beskikbare brandstof in die lyf. Jou brein kry dan die sein dis onnodig om dit met kos aan te vul.

Kanker-besweerder

Mense wat meer aktief is, se kans is 20% minder om sekere ernstige kankers te kry, insluitend van die long, nier, maag, baarmoeder en slukderm, wys Amerikaanse navorsing. Dit sluit aan by vorige navorsing dat dit die risiko vir kolon- en ander kankers aansienlik kan verminder.

Above the clouds ☁️

A post shared by Niomi Smart (@niomismart) on Jun 25, 2017 at 8:40am PDT

The post Studies wys nóg redes om te oefen appeared first on SARIE.

Ja, jy wéét jy moet minder soetgoed eet. Maar wat gebeur met jou lyf as jy dit oordoen? Hier is agt maniere hoe te veel suiker jou gesondheid kan beïnvloed.

Jy gooi dit by jou tee/koffie. Voeg dit by gebak soos pasteie en koek. Sprinkel dit oor jou ontbytvlokkies of hawermout. Dis in baie van jou gunstelinghappies, wat insluit roomys, vrugtesap en gaskoeldrank. En skuil in feitlik alle geprosesseerde kos, byvoorbeeld ontbyt-kitspap en smaakmiddels soos tamatiesous. Suiker. Vir die meeste van ons ’n onweerstaanbare lekkerte.

Maar die verband tussen suiker en chroniese siektes kom toenemend onder die soeklig. Dit word genoem as een moontlike oorsaak van die stygende wêreldwye epidemie van vetsug en verwante toestande. Soos metaboliese sindroom, ’n sambreelterm vir ’n groep simptome, waaronder hoë bloeddruk, cholesterol en bloedsuiker. Dit kan ook jou kans op toestande soos diabetes tipe 2, bloedvat- en lewersiekte vergroot.

Sowat 65% van SA se vroue en 31% van ons mans is oorgewig/vetsugtig. Ook sowat 23% van kinders van 2 tot 14, volgens die Dieetkundevereniging van SA (ADSA). Tot sowat 150 jaar gelede was suiker nie ’n stapelkos nie. Nou gebruik ons jaarliks gemiddeld sowat 50 kg per persoon. Dis 29 teelepels (bygevoeg en natuurlik) per dag!

Maar presies hoe werk suiker in jou liggaam? En wat is die effek op jou gesondheid as jy te veel daarvan eet?

’n Wye reeks gesondheidsprobleme wat aan te veel suiker in jou dieet gekoppel kan word, is al deur wetenskaplikes bestudeer.

A post shared by chrissy teigen (@chrissyteigen) on Oct 3, 2015 at 5:31pm PDT

1. ’n Lewer soos ’n drinker

’n Groot probleem met suiker (en veral geprosesseerde fruktose) is dat jou lewer ’n beperkte vermoë het om dit te metaboliseer. Dit kan net sowat ses teelepels bygevoegde suiker per dag met gemak hanteer, volgens SugarScience. Jou lewer sit klein hoeveelhede suiker in glikogeen om en berg dit tot jou liggaam energie nodig het. Oorlaai jy egter die lewer daarmee, word dit gedwing om die oorskot in vet om te sit. Dit word óf in die lewer gestoor óf in die bloedstroom vrygestel. Dit kan lei tot nie-alkoholiese vervetting van die lewer (steatohepatose), ’n groeiende probleem in lande met ’n Westerse dieet. Mense met nie-alkoholiese lewervervetting eet twee tot drie keer meer suiker as die gemiddelde, volgens ’n studie in die Amerikaanse Journal of Hepatology. Steato-hepatitis, ’n inflammatoriese toestand van die lewer, kan lei tot lewersirrose. Dodelik, tensy jy ’n leweroorplanting kry.

2. Insulienweerstandigheid

Insulien is die “sleutel” wat glukose (bloedsuiker) toegang tot selle verleen. Weens ons Westerse dieet kan dié hormoon ophou werk soos dit moet. Selle raak “weerstandig” daarteen en suiker hoop in jou bloed op. Dis bekend as insulienweerstandigheid en speel ’n rol by die ontwikkeling en verloop van verskillende toestande, waaronder vetsug, hartvatsiektes en diabetes tipe 2. Studies dui op ’n verband tussen suiker in oormaat en insulienweerstandigheid, volgens ’n artikel in die American Journal of Clinical Nutrition. As jou selle weerstandig raak teen die effek van insulien, vervaardig jou pankreas meer daarvan om die oortollige suiker in jou bloed op te ruim. Noodsaaklik, omdat chronies verhoogde bloedsuikervlakke organe ernstig kan beskadig. Mettertyd kan die pankreas nie meer byhou nie – insulienproduksie verminder weens skade aan die pankreas en bloedsuikervlakke skiet die hoogte in (diabetes tipe 2).

A post shared by Tanya Burr (@tanyaburr) on May 17, 2017 at 9:32am PDT

3. Die groot K

’n Hoë inname van suiker en verfynde koolhidrate kan gekoppel word aan ’n groter risiko vir sommige kankersoorte. Ook ’n beter kans dat dit kan terugkeer en ’n kleiner oorlewingskans ná kankerbehandeling. Kanker word gekenmerk deur die ongekontroleerde groei en vermenigvuldiging van selle. Insulien is een van die vernaamste hormone wat selgroei reguleer. Baie wetenskaplikes dink dus insulienvlakke wat aanmekaar hoog is (om verhoogde bloedsuikervlakke teen te werk), kan daartoe bydra. Die metaboliese probleme wat met ’n hoë suikerinname gepaardgaan (soos vetsug), gee ook stukrag aan chroniese laegraadse inflammasie, nog ’n moontlike oorsaak van kanker. (Bronne: www.ncbi.nlm.nih.gov, Journal of Diabetes Research)

4. Soos ’n dwelm

“Hedonistiese honger” is ’n relatief nuwe term. Dit beteken jy smag na sekere kosse, selfs al het jou liggaam dit nie nodig nie. Hoe meer jy suiker en verfynde kitskosse eet, hoe meer wil jou liggaam daarvan hê vir dieselfde gevoel van welbehae, baie soos dwelmverslawing. Studies wys jou brein reageer op vetterige en suikerkosse selfs nog voor jy dit in jou mond sit, volgens www.scientificamerican.com. Jy kan net maar ’n item sien wat jy begeer en die brein se beloningstelsel word geaktiveer. Sodra die lekker happie jou tong raak, stuur jou smaakorgane seine na verskeie dele van die brein, wat dan die breinoordragstof dopamien “uitspoeg”. Die plesier-tier is uit sy hok! Oordoen jy dit gereeld, word die brein mettertyd oorspoel met soveel dopamien dat dit aanpas en gedesensiteer raak – die aantal reseptore verminder wat die dopamien herken en daarop reageer. Jou brein het nou baie meer suiker nodig om dieselfde plesierhoogtes as vantevore te bereik. Iets om oor te dink: Suiker veroorsaak veranderinge in die brein wat soortgelyk is aan dié by mense wat aan dwelms soos kokaïen verslaaf is, wys breinskanderings deur wetenskaplikes by die Amerikaanse nasionale instituut vir dwelmmisbruik (drugabuse.gov).

A post shared by Reese Witherspoon (@reesewitherspoon) on Nov 24, 2016 at 10:54am PST

5. Honger en dik

Fruktose bluf boonop jou metabolisme deurdat dit jou liggaam se aptytbeheerstelsel afskakel. Insulien word nie meer gestimuleer nie. Dit kan dan nie meer ghrelien onderdruk nie, ’n hormoon wat ’n rol speel by hoe honger jy voel. Wat weer inmeng met leptien-seine, die hormoon wat jou brein vertel jy is nie honger nie/versadig. ’n Bose kringloop. (Bron: The Journal of Clinical Endocrinology and Metabolism)

6. Jou fut gou uit

Gekonsentreerde bronne van verfynde koolhidrate, soos versoete koeldrank, witbrood en kits-graankos, kan jou bloedsuikervlakke (glukose) vinniger laat styg. Jy kan berge versit – vir ’n klein rukkie. Daarna is jy nog meer traag as voor jou suikerhappie. Eet liefs onverfynde koolhidrate (bv. kekerertjies/hoemoes, brood gebak met klipgemaalde meel of lensies) en vars vrugte gekombineer met proteïenryke kosse. Ook versnaperings, veral dié ryk aan plantaardige vette, soos neute, avokado of olywe. Dit help stabiliseer bloedsuikervlakke en hou jou langer aan die gang, beveel Mariza aan.

A post shared by Zoella (@zoella) on Mar 28, 2017 at 1:59am PDT

7. ’n Vel soos ’n padkaart

Wetenskaplikes het ’n verband gevind tussen die inname van suiker en veroudering, volgens SugarScience. Te veel suiker kan inmeng met die herstel van kollageen, die proteïen wat help dat jou vel plomp lyk. Eet jy dikwels suikerhappies, kan dit die vel se elastisiteit verminder en plooie voortydig hul opwagting laat maak. Eet liefs vrugte, die oorsprong van die suiker daarin is natuurlik en beskadig nie jou vel nie, beveel die webtuiste health.com aan.

8. Dom … dommer

’n Amerikaanse studie het bevind as jy gereeld suikerdrankies drink, kan dit jou geheue aantas en hippokampus laat krimp. Dis die deel van jou brein verantwoordelik vir leer en geheue. Maar hoor hier: Dieetdrankies is nie juis beter nie. Meer navorsing is egter nodig om te bepaal hoekom dit so is, volgens die webtuiste sciencedaily.com.

A post shared by Zoella (@zoella) on Dec 3, 2016 at 10:29am PST

DIE REGTE MANIER

Mariza van Zyl, geregistreerde dieetkundige van die Paarl, beveel aan:

– Vermeerder jou inname van gesonde vette. Van die beste bronne is koudgeparste olyfolie, neute soos pekan en makadamias, avokado, salm en ander vetterige vis.

– Verruil versoete sappe en koeldrank vir water, rooibos- en groentee.

– Eet meer gefermenteerde kosse, soos kimchi, kombucha, organiese jogurt en kefir. Die gesonde bakterieë daarin ondersteun jou spysvertering sowel as die dermbioom wat bloedsuiker en selfs cholesterolvlakke in die liggaam kan affekteer.

A post shared by Niomi Smart (@niomismart) on Oct 3, 2016 at 7:14am PDT

The post SUIKER: Dís wat dit aan jou doen appeared first on SARIE.

Kan jou hoëhakskoene jou orgasme beïnvloed? En wat is die nuutste oor die G-kol?

Masters en Johnson sou stomgeslaan gewees het. William Masters and Virginia Johnson se baanbreker-seksnavorsing in die jare 50 en 60 het hulle beroemd gemaak. Hul storie was, dekades later, in ’n dramareeks, Masters of Sex, omskep.

The post Dié skoen kan jou orgasme kelder appeared first on SARIE.

Sowat 80 % van oorgewig mense is insulienweerstandig, wat dit baie moeiliker maak om gewig te verloor.

Insulienweerstandigheid is een van die risikofaktore vir hartsiektes. Dis ook die voorloper van diabetes tipes 2, ’n moderne epidemie.

As jy insulienweerstandig is, móét jy gewig verloor. Maar jou pogings is gewoonlik net suksesvol as korte mette gemaak word met eetgewoontes wat insulienweerstandigheid aanblaas.

Kosse wat selle meer insulienweerstandig maak, moet dus uit jou dieet geban word. Voorbeelde is versadigde vet, kosse wat inflammasie aanblaas, soos heelwat gebraaide of geroosterde disse, verfynde koolhidrate, vars melk en te min groente.

Voedingstowwe wat selle meer insulien-sensitief maak, byvoorbeeld omega 3-vette, moet vermeerder word. Genoeg vette – maar die regte soort vette – moet ingeneem word om selstrukture gesonder te maak. En ook om jou liggaam se honger-en-versadigingsmeganisme te aktiveer. As jy insulienweerstandig is, is jy dikwels aanmekaar honger.

Vermy ook verfynde koolhidrate en suikers – dit vererger via verskeie meganismes insulienweerstandigheid.

Roteer die voorbeelde deur die loop van die week

Ontbyt

Opsie 1
• 2 gekookte of roereiers met gekapte vars pietersielie.
• 1 groot tamatie
• 10 rou amandels of pekanneute
• olyfolie om die roereier te maak

Opsie 2
•1 avokado
• 1 gekookte eier
• 1 tamatie
• 1 Ryvita

Opsie 3
• 250 ml sojamelk
• 20 amandels
• 1 teelepel kaneeel
• 1 klein piesang
• 1 gekookte eier

Opsie 4
• 1 Ryvita
• 2 gekookte eiers, fyngemaak en gegeur met vars pietersielie, suurlemoenskil, suurlemoensap, sout en peper en 1 eetlepel olyfolie
• vars of gerookte salm
• tamatie of komkommer

Stapel die fyn eier en salm op die Ryvita. Geniet met die komkommer en tamatie as bykos.

Ligte etes

Opsie 1
• 1 gaar hoenderborsie, gepluis of in blokkies gesny
• 1 koppie gestoomde groenbone
• 10 baba-tamaties, rou of effe gerooster
• 1 eetlepel olyfolie
• 1 eetlepel geroosterde sade of pampoenpitte
• 1/2 wielietjie fetakaas, gekrummel

Geniet dié slaai warm of koud.

Opsie 2
• 2 koppies gerasperde kool en wortel
• 10 pekanneute
• 1 eetlepel sesam- of olyfolie
• 1 eetlepel appelasyn
• 1 – 2 gekookte eiers

Meng al die bestandele behalwe die eier. Sit voor met die gekookte eier bo-op.

Opsie 3
•1 Ryvita
• 1 avokado
• 1 gekookte eier
• oorskiet-hoenderdytjie
• hand vol baba-tamaties of baba-ertjies

Opsie 4
• enige porsie vetterige vis, soos geblikte of gerookte salm of tamatie-sardyne (Pilchards)
• 1/2 – 1 avokado
• 1 eetlepel olyfolie
• 1/2 koppie keker-ertjies (geblik)
• hand vol gekapte koljander of tiemie
• sap van ‘n 1/2 suurlemoen
• 1 teelepel Tabasco (indien verkies, saam met die tamatie-sardyne)
• 1 gesnyde tamatie
• 2 groot radyse, fyngesny

Opsie 5
• 400 ml groentesop wat bestaan uit groentes en vleis of hoender, maar geen styselgroente of grane nie.

Hoofetes

Opsie 1
• 120 g beesfilet/hoenderborsie/steak/maer skaapvleis
• suurlemoen, knoffel en bietjie olyfolie vir gaarmaak
• slaai met 1 eetlepel olyfolie en suurlemoen
• gestoomde/oondgeroosterede groente

Opsie 2
• 1 hoenderdy en 1 hoenderboudjie, gebraai of in die oond gerooster.
• gestoomde groenbone, groen ertjies en broccoli bedrup met 1 eetlepel olyfolie
• 10 olywe of 1 eetlepel sade of geroosterde pampoenpitte

Opsie 3
• Berei 450 g bevrore vis deur dit te bak in ’n pan met olyfolie en knoffel.
• Sit dan een groot visfilet voor met die volgende slaaie en groentes en hou die res vir ‘n ligte middagete of vir die ander gesinslede:
• Gesnipperde komkommer en radyse met olyfolie, suurlemoensap, bietjie witpeper en ’n 1/2 teelepel heuning
• 1 koppie gestoomde broccoli en blomkool
• 1 skorsie met neutmuskaat (nutmeg) met 1 teelepel botter

Opsie 4

Maalvleis-groentegereg
• 2 groot uie
• 4 eetlepels olyfolie
• 1 teelepel geroosterde paprika
• 1 pakkie gesnyde sampioene (250 g)
• 500 g maer maalvleis
• 1 blikkie gekapte tamatie
• 500 g gesnyde murgpampoentjies
• 350 g groenbone (1 pakkie)
• 2 groot knoffelhuisies, fyngedruk

Braai die uie in olyfolie en paprika tot deurskynend en voeg dan die sampioene by. Roerbraai vir ‘n paar minute en voeg dan die maalvleis en tamatie by. Laat die mengsel prut tot die maalvleis gaar is en voeg dan die res van die groente en die fyngedrukte knoffel by. Sit voor op ’n eetlepel bruinrys of bruin-en-wilderys met varsgemaalde swartpeper en vars basiliekruid.

Opsie 5

Eenbak-kos:
•hoenderporsies
• stukke kool
• heel murgpampoentjies

Pak al die items in ‘n oondbak en gooi bietjie water onder in die bak. Voeg ’n takkie roosmaryn by en bedrup die hoender en groente met bietjie olyfolie.

Bak vir ongeveer 45 minute by 180°C en sit voor met varsgekapte pietersielie en ’n tamatie-en-uieslaai.

WENKE

1. Mik daagliks vir ’n donkergroen groente, ’n koolsoort én ’n rou groente.

2. Moenie voedsel by baie hoë temperature gaarmaak nie en gebruik liewer “nat” bereidingsmetodes soos kook of stoom

3. Drink gerus tee en koffie

4. Beperk alkoholgebruik tot rooiwyn en hou by een glas per dag

Lus vir soet? Rooster vrugte en geniet met ’n lepel geklopte room en ’n hand vol geroosterde neute.

Vry om te geniet deur die loop van die dag:

• 50 g rou neute
• 2 vrugte – min of meer die grootte wat in ’n teekoppie sal pas
• enige proteïene, so groot soos twee vuurhoutjieboksies – bv. kaas, oorskietvleis of maalvleis of ’n hoenderboudtjie
• 1/3 koppie spruitjies om slaaie interessant te maak
• 1 avokado
• enige rou groente

Vir meer wenke en resep-idees, besoek gerus www.betereet.co.za.

* Let op: Hierdie “dieet” is ’n algemene riglyn en het nie ten doel om terapeutiese riglyne soos van toepassing op ’n individu te vervang nie.

The post Insulienweerstandig? Volg dié gratis eetplan appeared first on SARIE.

Die lente is om die draai en dan is die somervakansie hier. Ja, dink jy, dis tyd om die ekstra kilo’s eens en vir altyd af te skud. Maar o wee, die motivering! Moenie in November op ’n hongerdieet gaan en jou gesondheid in gevaar stel nie. Onthou dié wenke en maak positiewe veranderings aan jou leefstyl.

Hier’s tien goue riglyne wat jy kan volg om nie net vir die somer gewig af te skud nie, maar ook om jaar ná jaar gesonder te voel én te lyk.

1. Eet minder stysel

Ontbytgraan, brood, rys, pasta? Kies die gesonder, growwer volkoring-opsies. Jy kan koolhidrate in klein hoeveelhede eet, maar veral die verfynde soorte in oormaat is ’n groot sondaar.

2. Verminder jou suiker-inname

Jy gooi dit by jou tee en koffie. Sprinkel dit oor jou pap. Dis in baie van jou gunsteling-versnaperings, wat gaskoeldrank én vrugtesap insluit. En dit skuil in feitlik alle geprosesseerde kos, byvoorbeeld kitsontbytkos en smaakmiddels soos tamatiesous. Ongelukkig is suiker een van die grootste oorsake van vetsug. Wees bedag op hoeveel jy inneem – uit die suikerpot én in verskuilde vorm.

3. Oefen meer gereeld 

Jy moet oefen om kilojoules te verbrand. Jy weet dit, maar jy kom net nie aan die gang nie, veral in die koue wintermaande. Begin deur daagliks net ’n klein bietjie meer te beweeg. Stel haalbare doelwitte en kombineer aërobiese oefening met dié met gewigte. Soek ook ’n oefening waarvan jy hou, of dit nou joga, dans of boks is. Oefening is ook nie net vir gewig verloor nie. Die gesondheid van jou liggaam en kop wen ook heelpad.

4. Drink minder alkohol

Alkohol verminder jou selfbeheersing, wat jou meer geneig maak om meer en ongesonder te eet. Veral appelbier en ander alkoholiese vrugtedrankies bevat ook hope suiker en (leë) kilojoules. ’n Glas (250 ml) appelbier bevat maklik 30 g koolhidrate. Hou matigheid voor oë en heroorweeg jou drankies. Kies eerder jenewer en tonikumwater. Verdun dit nog verder met sodawater en jy spaar nog ’n hele klomp kilojoules.

5. Eet meer groente

Eet meer groente, in al die kleure van die reënboog. Dis propvol gesonde antioksidante en die vesel help jou bloedsuikervlakke beheer. Boonop maak die water in groente jou vinniger versadig! Vervang stysels soos pasta en brood met pampoen, patat of botterskorsie.

6. Eet meer proteïen

Proteïen laat die liggaam minder insulien afskei, wat die liggaam help om meer vet te verbrand. Dit verminder jou aptyt en stimuleer jou metabolisme.

7. Drink groentee

Groentee bevat kragtige antioksidante en sommige studies wys dat dit help om vet af te breek. Die antioksidante in groentee is boonop wonderlik vir jou vel omdat dit jou velselle teen skade deur omgewingsfaktore soos die son, besoedeling, stres en ’n ongesonde dieet beskerm.

8. Eet gesonde peuselhappies

Vermy sjokolade, lekkers en skyfies. Hou neute, biltong, groentestokkies en jogurt byderhand as jy lus is vir ’n peuselhappie.

9. Drink genoeg water

Jou liggaam dehidreer makliker as wat jy dink en kan dors met honger verwar! Sowat 60% van die menslike liggaam bestaan uit water, en al verloor jy net 1,5% daarvan is jy reeds effe gedehidreer. Vir elke kilogram liggaamsgewig benodig jy 20-30 ml water per dag.

10. Hou jou porsiegroottes dop

Skep minder en gesonder kos op jou bord en eet stadiger sodat jou liggaam vir jou kan laat weet wanneer jy versadig is. Jy kan ook ’n dagboek begin waarin jy neerskryf wat jy eet en sodoende meer bewus raak van jou daaglikse kos-inname.

Meer inligting oor “Die dieet waarvan almal praat”:

Webtuiste: www.the-diet.co.za

E-pos: diet-info@the-diet.co.za

Telefoonnommer: (016) 362 4890

Facebook: www.facebook.com/pg/thediet.co.za/

Twitter: @dietsa

The post 10 riglyne om gewig te verloor en dit af te hóú appeared first on SARIE.

Jy weet jy moet, maar kom net nie aan die oefen nie? Begin deur daagliks net ’n bietjie meer te beweeg. Hier’s ses maklike stappe: 

Jy is nié gemaak om heeldag te sit nie. Maar dis presies wat ons doen. Ons stoel voor die rekenaar en ry waar ons wil wees. Jou pogings om gereeld te oefen word deur allerhande klein jakkalsies in die wiele gery. Totdat jy (nogmaals) tou opgooi.

Ons is geneig om te onderskat presies hoeveel ons sosiale kring ons denke beïnvloed, sê Jolene Wium, ’n gekwalifiseerde fisioterapeut en leefstylkonsultant van Pretoria.

Jy en jou vriendekring deel gewoontes, skryf Charles Duhigg in The Power of Habit (Random House, 2012). En vetsug is baie afhanklik van jou sosiale netwerke, het dr. Nicholas Christakis van Harvard se mediese skool bevind.

Do it NOW… because sometimes “later” becomes never….www.kaylaitsines.com/app

A post shared by KAYLA ITSINES (@kayla_itsines) on Jul 13, 2017 at 5:03am PDT

As skuheid vir oefening ’n chroniese gewoonte is, probeer Jolene se wenke om jou leefstyl te help verander:

Stap 1

Besef beweging en oefening is belangrik vir jou toekoms en erken jou leefstyl is ongesond.

Stap 2

Kry mense wat jou kan ondersteun. Bou ’n emosionele verhouding met oefening deur ’n oefen-vriendin te hê. Sluit by ’n oefengroep aan (soos Run/Walk for Life).

Stap 3

Beweeg meer deur die dag Meet jouself met oefen-instrumente (soos ’n treëmeter of hartmonitor). Meting vorm ’n hoeksteen in die proses om jou gewoontes te verander. Peter Drucker, bekende Amerikaanse bestuurskonsultant, sê jy kan nie verander wat jy nie meet nie. Eenvoudige pret-aktiwiteite kan ’n verbasende impak op oefening hê. Onthou die hoelahoepel van die jare sestig? Hope pret, en goeie oefening vir jou middel. Maak vriende met mense wat reeds oefen.

Stap 4

Die belangrikste deel van ’n nuwe leefstyl is om iets te verander, groot of klein.

Stap 5

Vier oorwinnings, vertel jou vriende.

Stap 6

Hou aan nuwe doelwitte stel.

Bult jou spiere – sonder sweet

Sit of staan en fokus. Trek al jou spiere saam. Byt op jou tande, druk jou arms styf teen jou lyf, trek jou boudspiere, maagspiere, bobeenspiere en kuite saam. Krul jou tone en maak jou hande kloue. Jy moet byna begin bewe en rooi in jou gesig word. Doen dit sowat ’n minuut lank. Haal asem terwyl jy dit doen. Ontspan nou. Jy gaan nie glo hoe goed dit jou gaan laat voel nie. Doen dit ’n paar keer ’n dag en jy help jou liggaam om te ontsnap van die bose kringloop van cravings, te veel eet en gewig aansit – alles deel van insulienweerstandigheid.

Hier is nog voorbeelde van hoe jy aan’t beweeg kan kom:

Mariza van Zyl, dieetkundige, Paarl:

Loop op en af as jy op jou selfoon praat. Doen dit elke dag 10 minute lank teen ’n matige pas, en jy kan tot 4 000 kJ ’n maand verbrand. Dis ’n rapsie meer as ’n kg per jaar.

Simon Phillips, persoonlike afrigter en motiveringspreker, Pretoria:

Terwyl jy skottelgoed was, doen 20 kuitoefeninge. Lig jou hakke stadig tot jy op die bal van jou voete staan, hou die posisie ’n paar sekondes en laat sak. Jy kan vir balans aan die wasbak se rand vashou. Wanneer jy met wasgoed van die wasmasjien na die lyn toe stap, doen forward lunges. Hou jou rug regop, tree vorentoe en buig jou voorste been sodat dit ’n 90°-hoek vorm terwyl die ander een reguit bly. Kom regop en tree vorentoe met ander been. Terwyl jy vir die mikrogolfoond wag, stut jou rug teen die muur en sak af tot jou bene in ’n 90°-sittende posisie is.

Kontak:

Jolene Wium wiumjolene@gmail.com

Mariza van Zyl www.bettereat.net

Simon Phillips 081 218 1494, simonwphillips@gmail.com

Hierdie artikel het oorspronklik in SARIE se Februarie 2014-uitgawe verskyn. 

The post Begin oefen met dié 6 maklike stappe appeared first on SARIE.

Moeg, geïrriteerd of depressief? Soms wil jy net jou probleme wegeet. En hoekom nie? Daar is immers wetenskaplike bewyse dat sekere kosse jou brein se chemie kan beïnvloed. Moenie verwag jou bui gaan ’n 180°-draai maak nie, maar elke bietjie help.

1. Geïrriteerd of sommer net kwaad?

Plaas die skuld op jou serotonienvlakke, die breinstof wat jou goed en kalm laat voel. Triptofaan, ’n aminosuur in suiwel (veral melk), gee jou serotonienvlakke ’n hupstoot.

2. Sukkel jy om te slaap?

Maak vir jou ’n lekker koppie Engelse of groentee voor jy in die bed klim. Dit bevat die aminosuur l-teanien wat Klaas Vakie gou sal nader roep. En ’n lekker nagrus is die beste oplossing vir ’n slegte humeur die volgende oggend.

3. Kry stres jou onder?

Vitamien C kan dalk help om kortisolvlakke te verlaag. Dis die streshormoon wat vrygestel word as jy gespanne is. Navorsing suggereer groot dosisse vitamien C kan selfs stres hokslaan voor dit vastrapplek kry. Eet rou bronne, soos soetrissies en sitrus.

4. Kop suf en dof?

Laai jou bord met omega 3-ryke vis soos salm en sardiens. As jy nie van vis hou nie, kan jy visolie-aanvullings drink. Dit help jou om beter te fokus, verbeter jou geheue en bui. Omega 3- vetsure het ook ’n kalmerende uitwerking: dit maak jou brein meer vatbaar vir serotonien se towerstaf. Hoe meer omega 3 jy inkry, hoe beter werk die neurone in jou brein.

5. Angstig?

Brasiliaanse neute is die antwoord. Oftewel die selenium daarin, ’n spoorelement wat skynbaar ’n belangrike rol in jou brein speel. Verskeie studies wys ’n tekort hieraan kan angs en depressie vererger. Jy kry dit in wisselende hoeveelhede in verskeie grane, dierprodukte en eetbare plante.

Bronne: Mariza van Zyl, geregistreerde dieetkundige van die Paarl (www.bettereat.net); oprah.com; red.nl

*Dié brokkie kom uit die Augustus 2014-uitgawe van SARIE. Dié tydskrif is nie meer op die rak nie, maar kan steeds digitaal afgelaai word – klik HIER.

The post Kos vir elke bui – eet jou woede, stres en angs weg appeared first on SARIE.

Dis waar: Slaap jy te min, kan jy gewig aansit. Want dis dan makliker om op ’n groot latte staat te maak om aan die gang te kom. Jy kan oefening oorslaan oor jy te moeg is. En na kitskos smag.

Verminder cravings

’n Slaai bo pizza? As jy slaap kortkom, peusel jy meer. En jy is meer geneig om kosse met baie kilojoules (kJ) te kies, volgens ’n studie in die American Journal of Clinical Nutrition. Nog ’n studie wys jy kies dan ook groter porsies.

Voel langer versadig

Slaap slaan ook die hongerpyne langer hok. Net een nag se sleg slaap, is genoeg om jou hormone uit balans te gooi. Die vlak van die hormoon leptien, wat jou versadig laat voel, daal dan. En ghrelien, ’n hormoon wat jou aptyt opjaag, se vlak styg, volgens ’n studie in die Europese Journal of Sleep Research.

FOTO Neal Kharawala

Meer doelgerig

Vetsugtige mense wat 6-8 uur per nag slaap, vaar beter met hul dieet as dié wat minder as 6 en meer as 8 uur in droomland is, volgens Amerikaanse navorsing. Vetsugtige/oorgewig vroue wat 5 of meer keer per nag wakker word, verloor boonop minder gewig as hul susters wat ononderbroke slaap, volgens nog ’n Amerikaanse studie. As jy dikwels slaperig voel, is jy minder energiek en gemotiveerd om jou oefenklere aan te glip. Jy verkies dan eerder sofapokkelaktiwiteite soos TV-kyk. En ons weet as jy gereeld oefen, help dit jou weer om beter te slaap.

Energie vir oefening

As jy dikwels slaperig voel, is jy minder energiek en gemotiveerd om jou oefenklere aan te glip. Jy verkies dan eerder sofapokkelaktiwiteite soos TV-kyk. En ons weet as jy gereeld oefen, help dit jou weer om beter te slaap.

Verbrand meer kJ

Die regte hoeveelheid slaap moedig ’n gesonde metabolisme aan. Skeep jy jou slaaptyd af, geld die teenoorgestelde. Slaap jy net 4 uur per nag, raak jou lyf meer insulienweerstandig, ’n rooi vlag vir vetsug en diabetes tipe 2, volgens ’n klein studie in die Amerikaanse Annals of Internal Medicine

The post Slaap & word maer appeared first on SARIE.

Almal praat oor die Sirt-dieet. Hoekom? Sedert die Grammy-wenner Adele hierdie dieet gevolg het, het sy gewig verloor. Nié net lyk sy fantasies nie, hoewel sy nog altyd fantasties gelyk het, maar sy eet ook lekker – bonus! Eet lekker aan donkersjokolade, geniet jou rooiwyn – én verloor gewig. Geen wonder almal praat oor die Sirt-dieet nie. SARIE se dieetkundige, Mariza van Zyl, sê dit kan jou net goed doen én die Sirt-kosse is supergesond. 

Boonop kan jy tot 3 kg per week verloor!

Sirt, wat?

Dié kosse aktiveer spesifieke ensieme in die liggaam, wat sirtuïen genoem word en belangrike take in die liggaam het.

Nie net beskerm dit liggaamselle sodat dit nie afsterf as dit aan stres blootgestel word nie, maar dit reguleer ook inflammasie, metabolisme en veroudering. En beïnvloed die liggaam se vermoë om vet te verbrand en die metabolisme ’n hupstoot te gee. Só voer die Britse voedingkundiges Aidan Goggins en Glen Matten aan in The Sirtfood Diet (2016).

Montreal, QC / Bell Centre / Oct 1

A photo posted by @adele on Oct 3, 2016 at 3:14pm PDT

Jou Sirt-gids:

Wat sê ons dieetkundige?

Wanneer die produksie van die Sirt- ensieme verhoog word, kan die liggaam se gebruik van vet of koolhidrate teoreties verhoog, sê Mariza van Zyl, geregistreerde dieetkundige en skrywer van Dik vir Dieet (Naledi, 2015). Die sogenaamde Sirt-kosse is egter nie die enigste manier om die ensieme te “aktiveer” nie. ’n Lae-kJ-dieet doen dit óók, en dis juis een van die redes waarom “min eet” geassosieer word met langlewendheid (longevity). En waarom ’n oormaat kilojoules, hetsy afkomstig van proteïen, vet of koolhidrate, ’n groot rol speel in vinniger veroudering en by siektes. Dan is die sogenaamde Sirt-kosse boonop supergesond, want dis ryk aan fenole en ander aktiewe to-nutriënte wat gesondheidsvoordele inhou. Dit wil voorkom asof dit juis dié aktiewe plantbestanddele is wat ’n rol speel om die Sirt-ensieme “aan te skakel”. Volg jy dus die dieet, kan jy nie anders as om ’n oormaat “gesonde” kos te eet nie. “Die eerste drie dae kan jy net 4 200 kJ per dag inneem. Hoewel baie mense sal sê dis hopeloos te min, is dit ’n maklike manier om ’n metabolisme wat ‘verstop’ is weens te veel kos (vet, proteïene en/of koolhidrate) ’n hupstoot te gee en weer aan die gang te kry,” sê Mariza. The Sirtfood Diet moedig ook gereelde oefening (5 keer ’n week vir 30 minute lank) aan.

Die beste Sirt-kosse 

Groentee, donkersjokolade (minstens 85%-kakao), borrie, rooiwyn, kool, pietersielie, sitrus, kappertjies, brandrissies, seldery (ook blare), bokwiet, ko e, ekstra-suiwer olyfolie, dadels, rooi sigorei, rooi-ui, bruinui, roketslaai, soja, aarbeie, okkerneute, bessies, quinoa, broccoli, bronkors (watercress), appels en baie kruie en speserye. Ook salm en garnale. Daar is nog talle ander soorte groente en vrugte met baie fenole. Vleis is nie ’n Sirt-kos nie, maar jy kan dit eet. Die idee is om Sirt-kosse by jou dieet te voeg en nie dat jy ander kos moet verban nie.

The post Adele se eetplan én verloor gewig appeared first on SARIE.

Dis lente en tyd vlieg nou behoorlik vinnig! Die jasse word stuk-stuk weggepak, die langbroeke word kortbroeke en die winkels word vol swembroeke. Ja, somer is op pad – binnekort tyd vir son, swem, skemerkelkies en ontspan. Die wyses sê ’n somerlyf word in die winter gemaak. Nou ja, van ons het dalk te snoesig in ons truie geleef terwyl ons heerlik gesmul het aan ’n warm sjokoladedrankie. Klaar gehuil, tyd vir aksie. Dis tyd om jou somerlyf reg te kry. Dis nóóit te laat nie, spyt bestaan nie.

Hier’s jou gids vir jou somerlyf

Só maklik soos 1, 2, 3.

1. Adele se eetplan én verloor 3 kg ’n week

Ons dieetkundige, Mariza van Zyl, sê dit kan jou net goed doen. Eet lekker aan donkersjokolade, geniet jou rooiwyn – én verloor gewig. Geen wonder álmal praat hieroor nie. Hier’s ’n week se eetplan! Klik hier.

FOTO Instagram / @vanityfair

2. Oggendroetine: 5 stappe vir maklike gewigsverlies

Opstaan, opstaan en verloor gewig! Wil jy ’n paar kilogram afskud, meer energie kry en beter voel oor jouself? Dié gesonde oggendroetine is jou eerste tree in die regte rigting. Klik hier.

FOTO Instagram / @karliekloss

3. Oefening vir fermer arms

Miskien het jy tot vandag nog aan daardie laaste stuk sjokoladekoek gesmul en sidder steeds om jou lyf in ’n swembroek in te wurm. Moenie bekommerd wees nie, hier’s maklike oefeninge om jou arms fermer te maak. Rég vir die vakansie! Klik hier.

FOTO Instagram / @angelcandices

4. Maak hoemoes en verloor gewig

Nie net laat dit jou gouer versadig voel nie, dis ook cholesterol- en glutenvry, het baie vesel en help om jou bloedsuikervlakke stabiel te hou. Dit het per gram ’n hoë konsentrasie voedingstowwe terwyl dit laag in kJ is. Kry die resep hier.

Platbrood met hoemoes
FOTO Lee Malan

5. Japtrap-oplossing: Lyk maerder sonder om te dieet!

Volgens Janice Novak, postuurkenner en skrywer van die boek Posture, Get it Straight! moet die saamgedrukte organe iewers heen gaan. Al opsie is sywaarts – en dit laat jou onmiddellik vetter lyk. Só kry jy ’n mooi postuur – klik hier.

FOTO Instagram / @balletbeautiful

Lees nou

As jy hou van ’n aardse voorkoms

Dié babanaam gewild onder die celebs

The post Maklike gids: Kry jou somerlyf só appeared first on SARIE.

Stres het ons skaduwee geword. Kyk hier wat doen dit aan jou lyf!

1. Jou asemhaling versnel, ’n sneller vir asma, paniekaanvalle, infeksie van die boonste lugweg.

2. Tande: Jy kan daarop kners wanneer jy slaap.

3. Hart: Die risiko vir hartprobleme, hartaanvalle en beroerte is hoër weens onder meer hoër cholesterol- en bloeddrukvlakke.

4. Seksualiteit: ’n Algemene oorsaak van lae libido en erektiele disfunksie.

5. Lewer: Meer bloedsuiker word afgeskei vir meer energie. Dit kan oor tyd die risiko vir diabetes tipe 2 by mense met ’n geneigdheid daarvoor verhoog.

FOTO Unsplash / Luke Porter

6. Selfbeheer: Dit kan ’n effek hê op die deel van die brein wat met selfbeheer verbind word. Sommige mense eet dan verkeerd en dit lei tot gewigstoename en vetsug. Dit affekteer ook waar vet in jou lyf gestoor word: In die maagarea, wat baie ongesond is.

7. Maag: Spysverteringsprobleme, sooibrand, prikkelbaredermsindroom, maagpyn.

8. Menstruasie: ’n Ongereelde siklus.

9. Jou immuniteit word afgetakel en die kanse vir infeksies groter.

10. Spiere: Spierspanning, fibromialgie, nek-, rug- en skouerpyn, hoofpyn.

Bronne: heartmath, TIME, Webmd

The post Pasop! Dís wat stres aan jou doen appeared first on SARIE.

Dis wêreldwyd só: Vroue se seksdrang is aan ’t kwyn. Dalk omdat ons die eise van ’n loopbaan, kinders en eggenoot moet balanseer?

Baie kenners meen die antwoord lê nie in ’n botteltjie pille nie – Viagra vir vroue.

Daarvoor is vroulike seksualiteit te kompleks. Terwyl die dinge wat jou liefdesvlam kan laat kwyn, eintlik baie eenvoudig is . . .

Ons kyk na agt klein jakkalsies in die slaapkamer. Maar vir elk is daar ’n oplossing.

1.  Ek hou nie van my lyf nie

Niks, selfs nie stress of moegheid nie, laat seksuele begeerte so vinnig verdamp soos wanneer jy onaantreklik voel nie, sê Dr. Eve, Kaapstadse seksuoloog.

Mans erken ’n pragtige vrou stimuleer hulle visueel. Maar vra hom wat hom seksueel opgewonde maak en hy vertel dis sy maat op die hoogtepunt van die liefdespel – sonder inhibisies, klere of hang-ups, ’n Vrou wat gemaklik in haar lyf is, maak nie saak of daar tekens van ouderdom of kindergeboorte is nie.

Wat jy kan doen

• Voel gesond. Oefen gereeld en eet heilsame kos, hou op rook en moenie te veel drink nie.

• Dra klere wat jou sexy laat voel, maak nie saak hoe oud of groot jy is nie.

• Raak aan jou lyf as jy jouself versorg sodat jy gewoond is daaraan.

• Leer waarvan jy hou – masturbasie is ’n manier om dit te doen. Só sal jy dan ook makliker vir jou maat kan sê hoe om jou te stimuleer, as julle albei daarmee gemaklik voel.

• Lees Dr. Eve se Pillowbook (Oshun) vir ’n goeie program oor selfbemagtiging, kennis en plesier.

2. Na my kinders se geboorte het my sekslus

Berei jou maar daarop voor dat ouerskap jou seksdrang gaan laat kwyn, waarsku Dr. Eve. Daar is geen mediese of hormonale rede nie.

Terselfdertyd word jou maat se beskermingsdrang aangewakker – en hy belê nou meer tyd in sy loopbaan om jul toekoms te verseker. Daar is minder intieme tyd saam; juis die emosionele skop wat vroue nodig het om in die luim vir seks te kom.

In ’n moderne verhouding werk jy dalk ook nog. Jy kry min tyd vir jouself, wat jou nie ontvanklik maak vir seks as jy uiteindelik bed toe gaan nie.

Wat jy kan doen

• Trek van die begin af duidelike grense vir die kinders. Hulle regeer nie jou tyd of jou slaapkamer nie. Hulle kry liefde en versorging, maar jy en jou man het ook tyd saam nodig.

• Laat jou maat betrokke raak by die kinders se versorging en kry só broodnodige tyd vir jouself.

• Sorg vir ’n goeie ondersteuningstelsel sodat julle steeds alleen kan uitgaan. Ruim tyd in vir spesiale, sensuele samesyn. En onthou om pret te hê en romantiese en erotiese volwassenes te wees.

• Verander jou definisie van seks. Skep nuwe maniere om seksueel te wees wat jou behoefte aan gemeenskap, orgasme en liefde bevredig. Só kan sensuele liefdespel ’n alternatief vir seks wees.

3. Die intimiteit tussen my en my man het

Dalk is julle een van baie paartjies wat opgehou het om seks te geniet lank voor die kinders opgedaag het, sê Dr. Eve. Dalk het jy met hom getrou sonder dat jy regtig tot hom aangetrokke was. Maar dit het in daardie stadium sin gemaak. Hy was betroubaar en lief vir jou. Nou voel jy vasgevang saam met jou beste vriend en/of die  broodwinner.

Miskien is dit andersom. Jou maat vermy en verwaarloos jou, loop rond of is net nooit emosioneel beskikbaar nie. Die meeste vroue het intimiteit nodig om sexy te kan voel.

Te min intimiteit maak passie dood. Vir mans is seks meer visueel en hulle word maklik deur sexy onderklere, kaal borste of selfs suggestiewe opmerkings verlei, sê
Leandie Buys, seksuoloog van Port Elizabeth en skrywer van Seisoene van seks (Naledi-uitgewers, 2009).

Vir vroue is dit meer gekompliseerd. Jy weet as jy ’n harde dag se werk agter die rug het en by die huis wag ’n huilende kleuter, ’n wasbak vol skottelgoed en ’n man voor die TV is seks die laaste ding waaraan jy dink.

Wat jy kan doen

• Wees duidelik en spesifiek oor wat jul intimiteit in die wiele ry, sê Dr. Eve.

• Neem die voortou om intimiteit in jul verhouding aan te moedig. Blomme, kerse, wyn,musiek, verrassings en bederfsessies (soos om mekaar te masseer) kan wondere verrig.

• Laat jou maat op ’n volwasse manier verstaan wat jou behoeftes aan intimiteit is. Onderhandel sodat die manier en tyd jul albei pas. Soos: “Ek hou van romanse” of “Dis gehaltetyd saam, die hele aanloop tot seks”.

• As onderhandelinge misluk, of een of albei kan nie daarmee volhou nie,moet julle dalk jul verwagtinge rakende intimiteit aanpas. Jy is bv. moeg en gestres en voel jou man wil meer seks hê as wat jy kan gee.

• As dit nie werk nie, gaan vir huweliksterapie, bevel Dr. Eve aan.

4. Ek is in my menopouse

Liggaamlike veranderinge in die menopouse kan jou seksdrang beïnvloed, verduidelik Leandie Buys.

Sowat 20% van vroue in hul menopouse sukkel met vaginale droogheid. Jou vaginale wande kan ook dunner en minder soepel wees. Dan kan dit tydens seks brand, jeuk en soms bloei en pynlik wees.

Wat jy kan doen

• Gebruik vaginale smeermiddels wat jy oor die toonbank koop vir die droogheid.  Vermy egter middels met ’n petroleumbasis, soos Vaseline. Dit verswak ’n kondoom se lateks en kan vaginale infeksies veroorsaak. As smeermiddels nie help nie, bespreek vaginale estrogeenroom, -ringe en –tablette met jou dokter/ginekoloog.

• Jy kan minder gereeld en minder intense orgasmes hê.Dit neem dalk langer en jy moet meer gestimuleer word om seksueel geprikkel te word.Alle vroue kan baat vind by gereelde gemeenskap en masturbasie. Dit help om die spiere te versterk wat jou baarmoeder, vagina en blaas ondersteun en bevorder vaginale smering.

• Die samelewing het ’n obsessie met jeug, wat ons soms laat glo ons moet die hormoonvlakke van tieners hê, sê dr. CarolThomas,’n ginekoloog van Kaapstad. Baie vroue is dan vir die verkeerde rede ongelukkig: Omdat jy nie meer aan die kandelare rondswaai nie. Moenie jou sekslewe vergelyk met wat jy in boeke lees of op TV sien nie – en dan wroeg omdat joune saai lyk nie.

5. Nie nou nie, Liefie, my selfoon…

Amerikaanse navorsers het ’n nuwe soort seksuele probleem geïdentifiseer, wat veral mense in die korporatiewe wêreld aantas.

In ’n aanlyn-opname het 4 uit 10 mense met MBA’s gesê hulle sal seks staak om op ’n boodskap op hul Blackberry te reageer!

Leandie Buys sê sy sien toenemend in haar praktyk hoe Facebook,Twitter, Blackberries en e-pos ’n wig tussen man en vrou indryf.

“Sommige mans (of vroue) knoop aanlynverhoudings aan. Ander is ‘verslaaf ’ aan tegnologie.

Hulle kan nie meer op ’n persoonlike, van aangesig-tot-aangesig-manier met hul maats omgaan sonder om deur tegnologie onderbreek te word nie.”

Wat jy kan doen

• Daar kom ’n tyd in elke verhouding – sosiaal, werk of intiem – dat jy jou rekenaar en/of selfoon moet afskakel en met jou lewe aangaan. In intieme situasies, bv. as jy met ’n spesiale persoon uitgaan, is daar niks so erg soos wanneer jy weet hy/sy is nie heeltemal “daar”nie. Hy kan knik en glimlag, maar jy weet onder die tafel SMS hy of bring sy Facebook-profiel op datum.

• Dis belangrik om sosiale grense te stel as jy nuwe mense ontmoet. As jy uitgaan, maak ’n punt daarvan om jou selfoon af te skakel. Vertel die spesiale mens in jou lewe jy fokus nou op hom of haar.

• Dit geld ook in langtermyn-verhoudings. Net omdat julle jare lank getroud is, ’n huis, kinders en honde het, beteken dit nie jy kan sosiale etiket in die wind strooi nie. Maak ’n onderskeid tussen “huistyd” en “werktyd”. Maak seker jou maat weet hy word gewaardeer en dat jy hom al jou aandag gee as julle gehaltetyd saam deurbring.

• Die ou reël – dat jul bed net vir slaap en seks gebruik moet word – is steeds van toepassing. Dit moenie besaai lê met skootrekenaars en Blackberries nie.

• Jou man is verslaaf aan sy rekenaar?

6. Seks, drugs, maar waar is die ruk en rol heen?

Lesley* (48) was gewoond daaraan om besig te wees. Maar dinge het verlede jaar begin skeefloop.

“Ek was huilerig, kon nie op my werk fokus of die lewe oor die algemeen hanteer nie. My dokter het antidepressante voorgeskryf.”

Danksy die pille kom sy nou deur haar dagtake sonder om oorweldig te voel. Maar haar libido is weg, wat probleme in haar huwelik skep.

“Ek is nie seker of dit die depressie of die medikasie is nie,” sê sy.

Daar is ongelukkig nie ’n maklike antwoord nie, verduidelik dr. Carol Thomas.|

“Sekere medisyne kan newe-effekte hê wat jou sekslewe kan beïnvloed.  Maar dan moet jy jouself ook afvra hoe ’n gesonde libido nou eintlik lyk. As jy onrealistiese verwagtinge het, kan dit onnodige druk op jou sit.”

Sommige nie-steroïed-, anti-inflammatoriese middels (soos aspirien, parasetamol en ibuprofen) verminder ook vaginale smering, wat tot roogheid kan lei. Anti-istamiene en medisyne vir hoë bloeddruk doen dit ook.

Maar die Pil en antidepressante is bo-aan die lys van medikasie wat jou belangstelling in seks kan laat taan. Die Pil kan ook voorgeskryf word vir migraine, fibroïede – ’n niekwaadaardige gewas – en warm gloede, asook nagsweet in jou menopouse.

Die Pil veroorsaak dat minder testosteroon in jou liggaam beskikbaar is. En jy het ’n knertsie daarvan nodig om die vuur in jou lyf aan te steek.

Wat jy kan doen

• Vra jou dokter of jou medisyne seksuele neweeffekte kan hê. Bespreek enige veranderinge met hom/haar. Jou medikasie kan dan aangepas word, sê Carol.

• Daar is ander metodes van geboortebeperking, benewens die Pil. Soos die Mirena, vir vroue wie se gesinne voltooi is, of diegene wat nie dadelik ’n baba beplan nie. Dis ’n intra-uteriene apparaat (IUA), wat klein hoeveelhede progesteroon vrystel. Dit het nie ’n uitwerking op jou libido nie.

• As jy die Pil vir menopousale simptome gebruik, kyk of leefstylveranderinge help. Vermy bv. kafeïen, alkohol en suiker.Oefening en ’n goeie slaappatroon kan ook help.

7. Maak werk van jou depressie

Stres is deel van die moderne lewe. Voeg daarby hormonale veranderinge (soos die menopouse), en dit kan jou oor die afgrond van depressie stoot. Depressie en ’n lae libido gaan dikwels hand aan hand.

Prozac, Zoloft en ander antidepressante bekend as SSRI’s (selektiewe serotonien-heropnameinhibeerders) takel depressie deur jou goedvoelchemikalie, serotonien, ’n hupstoot te gee.

Jy voel dan beter, maar soms ten koste van jou libido. En as dit stres in jou verhouding veroorsaak, is jy dalk kort voor lank terug op die depressie-wipwaentjie.

Wat jy kan doen

• Jy kan ’n ander antidepressant probeer. Bespreek dit met jou psigiater. Kry ’n sielkundige met wie jy kliek en werk aan onopgeloste konflik uit jou verlede.

• Moenie jou medikasie tydelik los omdat jy jou libido vir daardie naweek wil laat kop optel nie. Dis dom om medikasie te onderbreek en gaan in elk geval nie help nie: Die opgehoopte uitwerking van die antidepressant is steeds in jou lyf.

8.  Chemoterapie en jou libido

Chemoterapie het Riana* (45) se lyf in ’n vroeë menopouse gedompel. Haar libido het verdwyn en ’n droë vagina het gemeenskap moeilik gemaak. Chemoterapie is daarop gemik om selle te stop wat te vinnig verdeel, verduidelik Carol. Dis hoekom jou hare, organe en eierstokke beïnvloed word.

Wat jy kan doen

• Smeerjellie kan help, of hormoonaanvullings, of ’n ring kan in jou vagina geplaas word wat klein, skadelose hoeveelhede hormone vrystel.

The post Maak jou libido wakker: 8 maniere hoe appeared first on SARIE.

Dokters sê dis ons algemeenste klagte! Gesonde gewoontes (eet, slaap en oefening) is meestal die oplossing. En as jy blitsvinnig ’n bietjie oemf nodig het, probeer dié wenke eerder as koffie. 

FOTO Unsplash

Op ’n drafstap
’n Vinnige stappie van 10 minute kan jou energie vir minstens 2 uur ’n hupstoot gee, volgens ’n studie in die Amerikaanse Journal of Personality and Social Psychology.

Water is lewe
Neem gereeld slukkies water deur die dag. Moenie wag tot jy dors is nie, want jou “dorsalarm” is nie altyd akkuraat nie. Selfs al is jy net effens gedehidreer, kan dit jou moeg laat voel.

Blaas ’n borrel
Kou kougom vir ’n wakkerder brein en om jou konsentrasie te verbeter, is in ’n Britse studie bevind. Dis waarskynlik omdat die gekou bloedvloei vermeerder.

FOTO Unsplash

Span jou neus in
Sit 2 druppels pepermentolie op ’n sneesdoekie en asem diep in. Jy gaan meer gefokus en wakkerder voel vanweë die natuurlike stimulerende eienskappe. As jy meer tyd het, gooi dit by jou badwater saam met 4 druppels.

Voete omhoog
Lê op jou rug en gebruik kussings om jou voete ’n bietjie hoër as jou kop te lig. Of lê op ’n verstelbare oefenbankie of ander oppervlak wat skuins is. Dit verhoog bloedvloei na jou brein, wat jou kop wakkerder laat voel.

FOTO Unsplash

Bronne: realbuzz.com, besthealthmag.ca, ourbetterhealth.org

The post Altyd moeg? Hier is ’n paar opkikkers appeared first on SARIE.

Ja, jy wéét jy moet minder soetgoed eet. Maar wat gebeur met jou lyf as jy dit oordoen? Hier is agt maniere hoe te veel suiker jou gesondheid kan beïnvloed.

Jy gooi dit by jou tee/koffie. Voeg dit by gebak soos pasteie en koek. Sprinkel dit oor jou ontbytvlokkies of hawermout. Dis in baie van jou gunstelinghappies, wat insluit roomys, vrugtesap en gaskoeldrank. En skuil in feitlik alle geprosesseerde kos, byvoorbeeld ontbyt-kitspap en smaakmiddels soos tamatiesous. Suiker. Vir die meeste van ons ’n onweerstaanbare lekkerte.

Maar die verband tussen suiker en chroniese siektes kom toenemend onder die soeklig. Dit word genoem as een moontlike oorsaak van die stygende wêreldwye epidemie van vetsug en verwante toestande. Soos metaboliese sindroom, ’n sambreelterm vir ’n groep simptome, waaronder hoë bloeddruk, cholesterol en bloedsuiker. Dit kan ook jou kans op toestande soos diabetes tipe 2, bloedvat- en lewersiekte vergroot.

Sowat 65% van SA se vroue en 31% van ons mans is oorgewig/vetsugtig. Ook sowat 23% van kinders van 2 tot 14, volgens die Dieetkundevereniging van SA (ADSA). Tot sowat 150 jaar gelede was suiker nie ’n stapelkos nie. Nou gebruik ons jaarliks gemiddeld sowat 50 kg per persoon. Dis 29 teelepels (bygevoeg en natuurlik) per dag!

Maar presies hoe werk suiker in jou liggaam? En wat is die effek op jou gesondheid as jy te veel daarvan eet?

’n Wye reeks gesondheidsprobleme wat aan te veel suiker in jou dieet gekoppel kan word, is al deur wetenskaplikes bestudeer.

A post shared by chrissy teigen (@chrissyteigen) on Oct 3, 2015 at 5:31pm PDT

1. ’n Lewer soos ’n drinker

’n Groot probleem met suiker (en veral geprosesseerde fruktose) is dat jou lewer ’n beperkte vermoë het om dit te metaboliseer. Dit kan net sowat ses teelepels bygevoegde suiker per dag met gemak hanteer, volgens SugarScience. Jou lewer sit klein hoeveelhede suiker in glikogeen om en berg dit tot jou liggaam energie nodig het. Oorlaai jy egter die lewer daarmee, word dit gedwing om die oorskot in vet om te sit. Dit word óf in die lewer gestoor óf in die bloedstroom vrygestel. Dit kan lei tot nie-alkoholiese vervetting van die lewer (steatohepatose), ’n groeiende probleem in lande met ’n Westerse dieet. Mense met nie-alkoholiese lewervervetting eet twee tot drie keer meer suiker as die gemiddelde, volgens ’n studie in die Amerikaanse Journal of Hepatology. Steato-hepatitis, ’n inflammatoriese toestand van die lewer, kan lei tot lewersirrose. Dodelik, tensy jy ’n leweroorplanting kry.

2. Insulienweerstandigheid

Insulien is die “sleutel” wat glukose (bloedsuiker) toegang tot selle verleen. Weens ons Westerse dieet kan dié hormoon ophou werk soos dit moet. Selle raak “weerstandig” daarteen en suiker hoop in jou bloed op. Dis bekend as insulienweerstandigheid en speel ’n rol by die ontwikkeling en verloop van verskillende toestande, waaronder vetsug, hartvatsiektes en diabetes tipe 2. Studies dui op ’n verband tussen suiker in oormaat en insulienweerstandigheid, volgens ’n artikel in die American Journal of Clinical Nutrition. As jou selle weerstandig raak teen die effek van insulien, vervaardig jou pankreas meer daarvan om die oortollige suiker in jou bloed op te ruim. Noodsaaklik, omdat chronies verhoogde bloedsuikervlakke organe ernstig kan beskadig. Mettertyd kan die pankreas nie meer byhou nie – insulienproduksie verminder weens skade aan die pankreas en bloedsuikervlakke skiet die hoogte in (diabetes tipe 2).

A post shared by Tanya Burr (@tanyaburr) on May 17, 2017 at 9:32am PDT

3. Die groot K

’n Hoë inname van suiker en verfynde koolhidrate kan gekoppel word aan ’n groter risiko vir sommige kankersoorte. Ook ’n beter kans dat dit kan terugkeer en ’n kleiner oorlewingskans ná kankerbehandeling. Kanker word gekenmerk deur die ongekontroleerde groei en vermenigvuldiging van selle. Insulien is een van die vernaamste hormone wat selgroei reguleer. Baie wetenskaplikes dink dus insulienvlakke wat aanmekaar hoog is (om verhoogde bloedsuikervlakke teen te werk), kan daartoe bydra. Die metaboliese probleme wat met ’n hoë suikerinname gepaardgaan (soos vetsug), gee ook stukrag aan chroniese laegraadse inflammasie, nog ’n moontlike oorsaak van kanker. (Bronne: www.ncbi.nlm.nih.gov, Journal of Diabetes Research)

4. Soos ’n dwelm

“Hedonistiese honger” is ’n relatief nuwe term. Dit beteken jy smag na sekere kosse, selfs al het jou liggaam dit nie nodig nie. Hoe meer jy suiker en verfynde kitskosse eet, hoe meer wil jou liggaam daarvan hê vir dieselfde gevoel van welbehae, baie soos dwelmverslawing. Studies wys jou brein reageer op vetterige en suikerkosse selfs nog voor jy dit in jou mond sit, volgens www.scientificamerican.com. Jy kan net maar ’n item sien wat jy begeer en die brein se beloningstelsel word geaktiveer. Sodra die lekker happie jou tong raak, stuur jou smaakorgane seine na verskeie dele van die brein, wat dan die breinoordragstof dopamien “uitspoeg”. Die plesier-tier is uit sy hok! Oordoen jy dit gereeld, word die brein mettertyd oorspoel met soveel dopamien dat dit aanpas en gedesensiteer raak – die aantal reseptore verminder wat die dopamien herken en daarop reageer. Jou brein het nou baie meer suiker nodig om dieselfde plesierhoogtes as vantevore te bereik. Iets om oor te dink: Suiker veroorsaak veranderinge in die brein wat soortgelyk is aan dié by mense wat aan dwelms soos kokaïen verslaaf is, wys breinskanderings deur wetenskaplikes by die Amerikaanse nasionale instituut vir dwelmmisbruik (drugabuse.gov).

A post shared by Reese Witherspoon (@reesewitherspoon) on Nov 24, 2016 at 10:54am PST

5. Honger en dik

Fruktose bluf boonop jou metabolisme deurdat dit jou liggaam se aptytbeheerstelsel afskakel. Insulien word nie meer gestimuleer nie. Dit kan dan nie meer ghrelien onderdruk nie, ’n hormoon wat ’n rol speel by hoe honger jy voel. Wat weer inmeng met leptien-seine, die hormoon wat jou brein vertel jy is nie honger nie/versadig. ’n Bose kringloop. (Bron: The Journal of Clinical Endocrinology and Metabolism)

6. Jou fut gou uit

Gekonsentreerde bronne van verfynde koolhidrate, soos versoete koeldrank, witbrood en kits-graankos, kan jou bloedsuikervlakke (glukose) vinniger laat styg. Jy kan berge versit – vir ’n klein rukkie. Daarna is jy nog meer traag as voor jou suikerhappie. Eet liefs onverfynde koolhidrate (bv. kekerertjies/hoemoes, brood gebak met klipgemaalde meel of lensies) en vars vrugte gekombineer met proteïenryke kosse. Ook versnaperings, veral dié ryk aan plantaardige vette, soos neute, avokado of olywe. Dit help stabiliseer bloedsuikervlakke en hou jou langer aan die gang, beveel Mariza aan.

A post shared by Zoella (@zoella) on Mar 28, 2017 at 1:59am PDT

7. ’n Vel soos ’n padkaart

Wetenskaplikes het ’n verband gevind tussen die inname van suiker en veroudering, volgens SugarScience. Te veel suiker kan inmeng met die herstel van kollageen, die proteïen wat help dat jou vel plomp lyk. Eet jy dikwels suikerhappies, kan dit die vel se elastisiteit verminder en plooie voortydig hul opwagting laat maak. Eet liefs vrugte, die oorsprong van die suiker daarin is natuurlik en beskadig nie jou vel nie, beveel die webtuiste health.com aan.

8. Dom … dommer

’n Amerikaanse studie het bevind as jy gereeld suikerdrankies drink, kan dit jou geheue aantas en hippokampus laat krimp. Dis die deel van jou brein verantwoordelik vir leer en geheue. Maar hoor hier: Dieetdrankies is nie juis beter nie. Meer navorsing is egter nodig om te bepaal hoekom dit so is, volgens die webtuiste sciencedaily.com.

A post shared by Zoella (@zoella) on Dec 3, 2016 at 10:29am PST

DIE REGTE MANIER

Mariza van Zyl, geregistreerde dieetkundige van die Paarl, beveel aan:

– Vermeerder jou inname van gesonde vette. Van die beste bronne is koudgeparste olyfolie, neute soos pekan en makadamias, avokado, salm en ander vetterige vis.

– Verruil versoete sappe en koeldrank vir water, rooibos- en groentee.

– Eet meer gefermenteerde kosse, soos kimchi, kombucha, organiese jogurt en kefir. Die gesonde bakterieë daarin ondersteun jou spysvertering sowel as die dermbioom wat bloedsuiker en selfs cholesterolvlakke in die liggaam kan affekteer.

A post shared by Niomi Smart (@niomismart) on Oct 3, 2016 at 7:14am PDT

The post SUIKER: Dís wat dit aan jou doen appeared first on SARIE.

Om mooi spierwit en gesonde tande te hê – en veral ’n Hollywood-glimlag! – bly maar ons almal se begeerte, maar dan moet jy die moets en moenies van tandesorg ken. Begin deur dié drie mites nek om te draai.

– Omtrent 3 uit 4 mense (75%) glo dis belangrik om jou mond met water te spoel nadat jy jou tande geborsel het. Nie so nie. Borsel minstens 2 minute lank en moenie daarna spoel nie. Die fluoried moet kans kry om sy werk te doen. As jy nie van die smaak van tandepasta hou nie, gebruik eerder minder.

– Sowat 49% glo dis beter vir jou tande as jy vrugtesap pleks van gaskoeldrank drink. Vrugtesap kan egter ook baie suiker bevat, wat sleg is vir jou tande.

– Meer as die helfte (53%) glo dis belangrik om jou tande direk ná elke ete te borsel. Wag sowat 30 minute om nie die tandemalje te beskadig nie.

FOTO Unsplash

Bron: FDI World Dental Federation, na aanleiding van ’n peiling in 12 lande, onder meer Suid-Afrika

The post Borsel jy jou tande verkeerd? appeared first on SARIE.

Die Grammy-wenner Lady Gaga moes haar optrede by Rock In Rio-konsert in Brasilië kanselleer, ná sy in die hospitaal opgeneem is weens erge pyn, berig BBC.

Lady Gaga ly nes Selena Gomez aan die outoïmmuunsiekte lupus. Dit word dikwels as die “stil siekte” beskryf. ’n Siekte waar die liggaam sy eie gesonde weefsel aanval.

Sy het onlangs ook op sosiale media die hartseer nuus gedeel dat sy ook aan Fibromialgie.

Brazil, I’m devastated that I’m not well enough to come to Rock In Rio. I would do anything 4 u but I have to take care of my body right now. I ask for your grace and understanding, and promise that I will come back and perform for you soon. 🤘I’m so sorry, and I love you so much.

A post shared by xoxo, Gaga (@ladygaga) on Sep 14, 2017 at 11:35am PDT

A post shared by xoxo, Gaga (@ladygaga) on Sep 14, 2017 at 12:02pm PDT

I was taken to the hospital, it is not simply hip pain or wear and tear from the road, I am in severe pain. But am in good hands w/ the very best doctors. Please don’t forget my love for you. Remember years ago when I tattooed Rio on my neck, the tattoo was written by children in the favelas. R✝️O You hold a special place in my heart I love you.

A post shared by xoxo, Gaga (@ladygaga) on Sep 14, 2017 at 12:17pm PDT

Wat is fibromialgie?

Dit het ’n lastige naam en slegte reputasie. Meestal vroue ly daaraan – onverklaarbare pyne, styfheid en moegheid. FMS kom egter by 3% tot 5% van mense voor, meestal vroue. Jou lyf pyn oraloor. Jou spiere voel of dit oorwerk of verrek is. Dis gevoelig as daar aan spesifieke teer punte op jou lyf geraak word: rondom jou nek, skouers, rug, elmboë en knie- en heup-gewrigte. Jy is dodelik moeg, selfs wanneer jy soggens opstaan. Jy slaap sleg. Dalk is jy ook depressief. En jou kop: Dit voel of daar ’n pingpong-balletjie in jou brein los is terwyl jy stoei om die regte woorde raak te vat. Jy het probleme met jou geheue en konsentrasie.  Al lyk jy gesond, voel dit of jy enige oomblik kan sterf van pyn.

Fibromialgie is die mees algemene artritis-verwante siekte naas osteoartritis. Die naam is ’n samestelling van Griekse en Latynse woorde vir vesel, spier en pyn. Dit ry dikwels op die rug van toestande soos osteoen rumatoïede artritis, lupus, Crohn-siekte en ander outo-immuunsiektes. Dit kan selfs ’n vroeë voorspeller van ’n outoimmuunsiekte wees, volgens die joernaal van die Israelse mediese vereniging

Daar is geen kuur nie. Lees meer oor fibromialgie hier.

Lady Gaga gaan meer daaroor praat in ’n nuwe dokumentêr, lees meer hier.

In our documentary the #chronicillness #chronicpain I deal w/ is #Fibromyalgia I wish to help raise awareness & connect people who have it.

— xoxo, Gaga (@ladygaga) September 12, 2017

The post Lady Gaga in die hospitaal appeared first on SARIE.

Twitter doen dit in 140 woorde. Ons dieetkundiges, Mariza, Suna, Martie en Suzelle, is nog meer kripties en beantwoord jou mees algemene vrae oor gewigsverlies in minder as 25 woorde.

Wêreldwyd is daar ’n debat oor koskeuses. Eers was vet die vyand. Nou suiker. Maar wag, sommige kenners sal steeds hand op die hart sweer dis als vet se skuld. En ons, die gewone ouens, voel dikwels soos ’n verkleurmannetjie op ’n Smartie-boks. Hier, in ’n neutedop, is ’n kort en kragtige antwoord op al jou gewigsverlies-kwellinge.

Vir deel 1 klik hier.

FOTO Unsplash

26. Waar/onwaar: Sjokolade is gesond.

Suna Donkersjokolade (minstens 70%-kakao) het gesondheidsvoordele, maar bevat ook vet en suiker. Eet ’n paar blokkies af en toe.

27. Kan dieetkoeldrank my regtig vet maak?

Suzelle: As jy dikwels kunsmatige versoeters gebruik, kan dit jou lus vir koolhidrate prikkel, het navorsers bevind.

28. Wat is die beste manier om gesonde kos in ’n restaurant te bestel?

Suzelle: Vermy die broodmandjie en oliegebraaide kosse. Vra vir souse apart, aangesien dit gewoonlik baie vet bevat.

29. Hoe motiveer ek myself om gim toe te gaan?

Suzelle: Sit oefenklere in die motor en gaan direk ná werk. Doen iets wat jy geniet en kry ’n oefenmaat.

30. Wat is die beste bron van vesel?

Mariza: Kies ’n variasie. Meer oplosbaar (hawermout, lensies, bone), minder oplosbaar (koring) en “weerstandig” (uie, amandels, piesang, knoffel).

FOTO Unsplash

31. Is groente gesonder vars as gevries?

Mariza: Bevriesing bewaar sekere voedingstowwe, veral vitamiene. Dis ’n goeie keuse as vars produkte nie beskikbaar is nie.

32. Hoe vermy ek ’n gedagtelose gepeusel?

Mariza:  Eet bewustelik. Ruik/proe/voel/sien elke mond vol en waardeer dit.

33. Hoe eet ek ’n paar kJ minder per dag?

Mariza: Vermy verfynde en verwerkte kossoorte. Maak helfte van jou bord vol groente – veral rougroente-slaaie.

34. Melk moet mos vetvry wees, anders maak dit vet?

Mariza: Dit hang af van jou genetiese samestelling – of jy sensitief is vir versadigde vet.

35. Hoe spaar ek geld in ’n supermark?

Mariza: Loop net in die buitenste gange waar die vars produkte/suiwel/vleis/hoender/vis ens. gehou word. Bly weg as jy honger en moeg is.

36. Hoe kan ek my metabolisme ’n hupstoot gee?

Mariza: Flink oefening. Sowat 24 uur ná ’n halfuur lange oefensessie is jou metabolisme steeds vinniger, wys navorsing.

FOTO Unsplash

37. Watter hawermout moet ek eet?

Mariza: Heelkorrel- of sogenaamde steelcut-hawermout. Vermy die kitsproduk.

38. Wat is die gesondste geurmiddel?

Mosterd. As deel van die kruisdraende plantfamilie (soos broccoli, kool, blomkool, radyse) kan dit dalk jou risiko vir kanker verlaag. Bron: webmd.com

39. Wat is die een gewigsverliesaanvulling wat ek moet neem?

Mariza: So ’n wondermiddel bestaan nie. Anders was oorgewig nie ’n epidemie nie.

40. Wat is die grootste bedreiging vir my figuur?

Mariza: Onaktiwiteit en ’n swak postuur saam met ’n eetpatroon wat nie by jou lyf pas nie.

41. Wat is die een kossoort wat ek moet inkry, maar waarskynlik nie eet nie?

Mariza: Groente, al die kleure van die reënboog. Aartappel/pampoen/ patat/botterskorsie tel nie – dis styselgroentes.

42. Wat is die belangrikste kosvoorneme wat ek moet maak?

Martie Beplan jou maaltye en jou dag.

FOTO Unsplash

43. Sal kougom vir my koscraving help?

Martie: Studies weerspreek mekaar, dus is daar nie ’n klinkklare ja of nee nie. Fokus eerder op ’n gesonde leefstyl en eetgewoontes.

44. Is slaap inderdaad so belangrik vir gewigsverlies?

Martie: Ja, te min slaap verhoog jou kortisolvlakke, ’n hormoon wat onder meer aptyt reguleer.

45. Gaan dit my regtig help om gewig te verloor as ek stadiger eet?

Martie: Ja. Mense wat stadiger eet, eet meer bewustelik. Jou brein kry ook jou maag se boodskap dat jy versadig is.

46. Moet ek my pizza klad om die vet te absorbeer?

Martie:  Sit groente eerder as vetterige vleis en minder kaas daarop. Of eet ’n groot bak slaai en ’n skyfie pizza, geklad.

47. Hoe dikwels moet ek myself weeg?

Martie: Ken jouself. Help dit met gewigsverlies as jy dit elke dag doen of juis nie? Weeg jou dan net een keer per week.

48. Wat is die grootste gewigsverliesfout?

Martie: As jy jou uithonger, eet jy meer en minder slim wanneer jy wel eet.

49. Moet ek honger bed toe gaan vir gewigsverlies?

Martie:  Nee. Eet gereeld, aandete min of meer dieselfde tyd en dan nie te

veel nie.

50. Is alle koolhidrate sleg?

Martie: Daar is niks verkeerd met onverwerkte en onverfynde koolhidrate in klein hoeveelhede nie.

FOTO Unsplash

KONTAK

Mariza van Zyl 021 872 8423, www.bettereat.net

Dr. Martie de Wet 011 215 7210, martie@nutri4life.co.za

Suzelle Viljoen 072 724 9458, zeljoen@gmail.com

The post Ons beantwoord jou 50 gewigsverlies-vrae (deel 2) appeared first on SARIE.

Opstaan, opstaan en verloor gewig! Wil jy ’n paar kilogram afskud, meer energie kry en beter voel oor jouself? Dié gesonde oggendroetine is jou eerste tree in die regte rigting.

Jy volg gedurig ’n dieet en probeer verwoed om meer tyd te maak vir oefening. En tog bly jy bang vir die skaal. Is jy desperaat om gewig te verloor? ’n Roetine wat jou langtermynsukses waarborg, pleks van dieetgiere en kitsoplossings, is beslis die moeite werd. Skop jou dag af met die volgende 5 maklike stappe – en jy sal sien hoe vinnig die skaal se naald in die régte rigting beweeg!

Stap 1: Staan 30 minute vroeër op

Stel jou wekker om ’n halfuur vroeër af te gaan – selfs al is dit dalk in die begin moeilik. Volgens navorsing aan die North- western University in die VSA, wat in 2014 gepubliseer is, het blootstelling aan vroegoggendlig die deelnemers se liggaamsgewig beïnvloed, asook hul sirkadiese ritme (die liggaam se interne horlosie) – in so ’n mate dat diegene wat elke dag die eerste sonstrale gesien het, ’n laer liggaamsmassa-indeks (LMI) gehad het as die laatslapers. Hulle was dus minder geneig tot oorgewig.

FOTO Instagram/ @mirandakerr

Stap 2: Drink water en ’n koppie tee of koffie

Dis baie belangrik dat jy gehidreer bly en daarom noodsaaklik dat jy met die opstaanslag soggens vloeistof drink, veral nadat jy deur die nag gevas het. Jou liggaam het water nodig om te oorleef. Daar is boonop ’n gewigsvoordeel indien jy water drink wanneer jy opstaan, so 30 minute voor ontbyt.

FOTO Instagram (@mirandakerr)

Stap 3: Eet ’n stewige ontbyt

Jou liggaam het brandstof nodig, daarom kan jy nie sommer ontbyt oorslaan nie. Daarsonder gaan jy nie deur die dag kom nie. En as jy nie elke dag ’n goeie ontbyt eet nie, gaan jy ook sukkel om gewig te verloor.

Dis ook die maklikste om met ontbyt meer vesel in te neem, wat belangrik
is vir gewigsbeheer.

FOTO Instagram / @chrissyteigen

Stap 4: Rek, beweeg en oefen

Maak tyd om te strek en te beweeg voor- dat jy jou dag aanpak. Fisieke aktiwiteit is een van die beste maniere om kilojoules te verbrand, fiks te bly en chroniese leefstylsiektes soos tipe 2-diabetes, hoë bloeddruk en hartsiektes te voorkom.

As jy vroegoggend oefen, is die kans ook skraler dat jy jou daaglikse oefening oorslaan omdat jy later in die dag te besig raak. Dink mooi: Hoeveel keer beplan jy om ná werk te oefen, maar dan gebeur dit net nie omdat jy opgehou word deur vergaderings en verkeer?

FOTO Instagram / @karliekloss

Stap 5: Pak ’n gesonde kosblik in

En laastens, pak ’n gesonde kosblik vir jou werkdag. As jy jou etes goed beplan, sal jy minder geneig wees om jou aan ongesonde eetgoed te vergryp wanneer die honger toeslaan.

Volgens SARIE se dieetkundige, Mariza van Zyl, is voorbeelde van gesonde peuselkos:

– ’n Vuisgroot porsie vrugte

– Ongegeurde jogurt

– ’n Hand vol gesnipperde droë vrugte en rou neute (liefs ongesout)

– Rog-kraakbrood of saad-kraakbrood met organiese grondboonbotter (geen ekstra suiker of gehidrogeneerde vet),

– Hoemoes 

– Maaskaas of avokado of ’n porsie ryp kaas

– ’n Hand vol babatamaties of seldery en rou wortelstokkies

– Kry ’n bottel yskoue water en jy is reg vir die dag.

Lees nou

Mojito-koek: Perfek vir die somer!

Lyk slanker – ja, veral met horisontale strepe!

Gebruik jy die regte blosser vir jou gelaat?

The post 5 stappe in die oggend en verloor gewig! appeared first on SARIE.